Mario Outeiro, deputado delegado da Área de Cultura e Turismo da Deputación de Lugo e a Asociación Socio-Pedagóxica Galega, en representación das entidades que organizan a IV Semana do Libro e da Lectura Infantil e Xuvenil presentaron hoxe este evento na súa cuarrta edición. Esta IV Semana do Libro e a Lectura Infantil e Xuvenil baixo o lema A toda máquina vai ter lugar desde o 26 de maio ata o 1 de xuño no Museo Provincial de Lugo. Tras a inauguración, prevista para o domingo, 26 de maio, ás 12:30 horas, son numerosos os espectáculos, obradoiros e exposicións que se ofrecen ao público na Sala de Exposicións do MPLugo. Téñase en conta que polas mañás as actividades están concertadas con centros de ensino, pero polas tardes os espectáculos e as visitas ás distintas exposicións e actividades son de entrada libre e gratuíta.

Mario Outeiro, deputado delegado da área de Cultura e Turismo da Deputación de Lugo, e Encanrna Lago, xerente da Rede Museística, dan a coñecer os programas de actividades rpevisas para a SEMANA DOS MUSESO 2013 en todos os museos xestionados pola Rede Museística Provincial.

A partir do día 7 de maio de 2013, o programa de obradoiros PequeAmigos da Rede Museística amplía a sua oferta de actividades. Os museos integrados nesta Rede (Museo Provincial de Lugo, Museo Provincial do Mar, Museo Fortaleza San Paio de Narla e Museo Pazo de Tor) xestionados pola área de Cultura e Turismo da Deputación de Lugo ofrécenche entretemento e coñecemento para case todos os días da semana: Apúntate ao que máis che apeteza! Prazo de matrícula: aberto desde o 23 ao 30 de abril.

Este venres, 12 de abril, a partir das 20:00 horas, actuación no MPLugo de Rogelio Botanz, cantautor experto en Silbo Gomero, unha linguaxe sonora da illa de La Gomera que foi declarada Patrimonio Cultural Inmaterial da Humanidadade pola UNESCO en 2009. Promoven este acto de Encontro coa Cultura Canaraia os colectivos culturais “Fábrica de Sons. Xestión musical”, a Asociación Cultural “Cultura do País-Lugo”, Asociación Cultural Libre de Paderne "Roxín Roxal" e a Asociación de Amigos do Patrimonio de Castroverde, coa colaboración da Rede Museística Provincial e a área de Cultura e Turismo da Deputación de Lugo. A entrada é de balde.

Este martes, 12 de marzo, ás 20:00 horas, dentro do programa de actividades arredor do Día Internacional da Muller, 2013 que promove a Rede Museística A arte de ser muller nun mundo por compartir 4.0 (programa completo), Paula Cabaleiro, moderará un debate no que van participar varios artistas, homes e mulleres, e que leva por título “Rede Coworking”, unha forma ou filosofía de traballo en rede. O acto desenvolverase no refectorio do MPLugo e trataranse temas relacionados coa visibilidade da arte. ENTRADA LIBRE.