Códigos para eventos de ratón. Debe activa-la execución de Javascript se desexa aprecialos.
REDE MUSEÍSTICA PROVINCIAL - Creada no ano 2006 aglutina os museos e salas de exposicións e coleccións visitables dependentes da Deputación de Lugo. Pretende unificar criterios, incentivar a colaboración, optimizar recursos e, sen mingua das identidades de cada un dos centros integrados, contribuÌr a facer universal o local Videoteca || Axenda || Axenda Interna
REDE MUSEÍSTICA PROVINCIAL - Creada no ano 2006 aglutina os museos e salas de exposicións e coleccións visitables dependentes da Deputación de Lugo. Pretende unificar criterios, incentivar a colaboración, optimizar recursos e, sen mingua das identidades de cada un dos centros integrados, contribuÌr a facer universal o local

SeparadorVicepresidencia Primeira - Cultura - Museo Provincial de Lugo


> Museo Provincial de Lugo

RSS Síguenos en Twitter Faite admirador en Facebook Videoteca



Gráfico separador

>   Actividades



24/06/2014 Ronsel de muller, unha homenaxe a Mercedes Pimentel e a revista Ronsel

A Asociación “Cultura do País” conmemora o 90 aniversario da fundación en Lugo da revista Ronsel este venres, 27 de xuño, a partir das 20:00 horas no MPLugo, con unha xornada dedicada á figura de Mercedes Pimentel, asídua colaboradora da revista. O acto contará con unha conferencia da escritora e profesora da Facultade de Humanidades Carmen Blanco e coa actuación musical de Eudemónicas. Este acto conta co patrocinio da área de Cultura e o Turismo da Deputación de Lugo e coa colaboración da Rede Museística. RONSEL foi un proxecto cultural da avangarda nacionalista da década dos vinte do século XX, dirixido por Evaristo Correa Calderón e Álvaro Cebreiro e no que publicaron autores como Luis Pimentel, Ánxel Xohán, Castelao, Manuel Antonio ou Fernández Mazas.


23/06/2014 VERÁN 2014: Programa de Obradoiros e Actividades no MPLugo

Mario Outeiro, deputado delegado da área de Cultura e Turismo da Deputación de Lugo, xunto coa xerente da Rede Museística, Encarna Lago, presentan o Programa de Obradoiros e Actividades para o VERÁN 2014. As incricións pódense realizar a partir do martes, 24 de xuño, no Museo da Rede Museística Provincial onde se realice a actividade.


13/06/2014 1ª sesión do II CICLO DOCUMENTAL: A NOSA TERRA, A NOSA CULTURA

ADEGA presenta este ciclo como un cinefórum no que expor traballos que dificilmente poden ser vistos nas canles habituais. As diferentes sesións do ciclo permitirán á cidadanía, intercambiar reflexións e experiencias cos autores dos diferentes traballos documentais e expertos dos diversos eidos sobre os que versan estas obras audiovisuais, creando deste xeito, un espezo de análise e debate do que extraer conclusións e novas vías de traballo, de dinamización do rural e de defensa da nosa cultura e territorio. A primeira sesión do ciclo terá lugar o vindeiro xoves, 19 de xuño, ás 20h, no Museo Provincial de Lugo.


03/06/2014 Galicia acolledora, concerto no MPLugo

Este venres, 6 de xuño, a partir das 19:30 horas, terá lugar no MPLugo o concerto "Galicia Acolledora" organizado pola Asociación “Mujeres Entretejidas”, no que van intervir a soprano Alma Selene e o grupo musical Una Brizna de Paja.


26/05/2014 Maio de lingua: Presentación dun libro coas conferencias de Claude Levi-Strauss para a UNESCO

Este mércores, 28 de maio, ás 20:30 h, no Refectorio do MPLugo, dentro do programa “Maio de Lingua” presentación da obra “A voltas coa diversidade cultural: as conferencias de Claude Levi-Strauss para a UNESCO” coa intervención do responsable da súa edición, José Mª Álvarez Castro, e do deputado delegado de Cultura, Mario Outeiro. É esta unha publicación de Edicións da Curuxa que conta coa colaboración da área de Cultura da Deputación de Lugo e que pon en valor a diversidade cultural como algo natural e como un valor engadido dos pobos que sempre debe servir para sumar e nunca para restar. A entrada é libre e gratuíta.


20/05/2014 CONFERENCIA: Borges arxentino, universal e amigo de Galicia, por Claudio Rodrígez Fer

Este mércores, 21 de maio, a partir das 20.00 h. no refectorio do MPLugo, o profesor e escritor Claudio Rodríguez Fer imparte a conferencia "Borges arxentino, universal e amigo de Galicia". Abordará unha visión tridimensional de Borges como arxentino interesado polas peculiaridades do seu país (gauchismo, tango, milonga), aberto á universalidade cósmica (multiculturalismo, multilingüismo, federalismo) e interesado pola cultura galega (Cancioneiros medievais, Rosalía de Castro, amigos galegos). Esta conferencia forma parte de CULTURAS EN DIÁLOGO: LUGO-ARXENTINA, un proxecto de “Museoloxía social. Diálogo Intercultural” que se vén desenvolvendo ao longo do ano 2014 nos diferentes museos da Rede Museística da Deputación de Lugo.


19/05/2014 Conferencia de Benjamín Santín sobre os espazos pictóricos de Maruja Mallo

Con motivo da clausura da mostra “Olladas de muller sobre a Guía Postal de Maruja Mallo”, este luns, día 19 de maio, ás 20:00 horas, terá lugar na Sala de Exposicións do Pazo de San Marcos (sede da Deputaciónde Lugo) unha charla a cargo de Benjamín Santín Carballada, que falará sobre O espazo pictórico de Maruja Mallo. Análisis interpretativo. A entrada a este acto é libre e gratuita.


« 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 »

Línea horizontal
Subscricións |  Web optimizada 1024x768