Códigos para eventos de ratón. Debe activa-la execución de Javascript se desexa aprecialos.
REDE MUSEÍSTICA PROVINCIAL - Creada no ano 2006 aglutina os museos e salas de exposicións e coleccións visitables dependentes da Deputación de Lugo. Pretende unificar criterios, incentivar a colaboración, optimizar recursos e, sen mingua das identidades de cada un dos centros integrados, contribuÌr a facer universal o local Videoteca || Axenda || Axenda Interna
REDE MUSEÍSTICA PROVINCIAL - Creada no ano 2006 aglutina os museos e salas de exposicións e coleccións visitables dependentes da Deputación de Lugo. Pretende unificar criterios, incentivar a colaboración, optimizar recursos e, sen mingua das identidades de cada un dos centros integrados, contribuÌr a facer universal o local

SeparadorVicepresidencia Primeira - Cultura - Museo Provincial de Lugo


> Museo Provincial de Lugo

RSS Síguenos en Twitter Faite admirador en Facebook Videoteca



Gráfico separador

>   Actividades



15/12/2014 NADAL 2014 na REDE MUSEÍSTICA: MUSEO PROVINCIAL DE LUGO

Cando un novo Nadal peta á porta concédese licenza xeral para fantasiar. Temos dereito, e necesidade, de concedernos uns días liberados de rutinas e de obrigas supostamente ineludibles. Unha oportunidade para facer balance e reconducir, se for preciso, o rumbo das nosas vidas. E puntualmente, como cada ano, os museos da Rede Museística da Deputación de Lugo achegámosche un programa de obradoiros e actividades tentando contribuír, na medida das nosas posibilidades, ao teu lecer creativo. Ademais, neste remate do ano 2014 temos á túa disposición a exposición “Entre o sono e os soños. Soñar para crear na Rede Museística”, un proxecto comunal dos catro museos que integramos a Rede para lembrar que os soños son a materia prima da creatividade. Que o ano 2015 nos acolla coa mellor disposición, e que sexa unha oportunidade para que ese soño que pende da túa ilusión, prenda en ti. Este é, por enriba de calquera outro, o desexo que queremos compartir desde aos museos da Rede e desde a área de Cultura e Turismo da Deputación de Lugo.


11/12/2014 Presentación da restauración do Mosaico de Batitales

Este xoves, día 11 de decembro, ás 20:00 horas, terá lugar na sala número 7 do Museo Provincial de Lugo, a presentación pública da restauración dos Mosaicos de Batitales e a reforma expositiva desta sala. Este acto contará coa presenza de Mario Outeiro, deputado delegado da Área de Cultura e Turismo da Deputación de Lugo; de Encarna Lago, xerente da Rede Museística, e de Aurelia Balseiro, directora do Museo Provincial de Lugo. A entrada a este acto é libre e gratuita.


11/12/2014 Memoria, trauma e transmisión interxeracional


02/12/2014 5 de decembro: Día Internacional do Voluntariado

Baixo o lema Froito da solidariedade. Éche outro conto! vaise celebrar no MPLugo este venres, 5 de decembro, o Día Internacional do Voluntariado”. Unha xornada organizada por varios colectivos implicados en accións de voluntariado en Lugo como Aliap Ultreia, Aspnais, Fundación Secretariado Xitano, Asociación Síndrome de Down, Auxilia Lugo, Cáritas, Fundación Juan Soñador, Asociación Xuvenil Ateibo, USC e COGAMI. Colaboran a Vicerritoría de Estudantes, Cultura e Responsabilidade Social, o concello de Lugo, a Fundación TIC, a área de Cultura e Turismo da Deputación de Lugo e a Rede Museística Provincial.


01/12/2014 Ciclo de conferencias: A ditadura franquista. Persecución e resistencia

O xoves, 4 de decembro, comezan no Refectorio do MPLugo as palestras do ciclo promovido pola vicepresidencia primeira da Deputación de Lugo baixo o título “A ditadura franquista. Persecución e resistencia”. No acto de presentación deste ciclo participaron Mario Outeiro, delegado de Cultura e Turismo da Deputación de Lugo, o xornalista Antón Grande, e o doutor en Humanidades e investigador da memoria histórica, Antonio Somoza. O primeiro relatorio está a cargo de Ana Cabana Iglesia, ao que seguirán nas semanas seguintes as intervencións de Hartmut Heine e Eliseo Fernández (véxase programa que se anexa). Este ciclo terá continuidade nos meses de xaneiro e febreiro con actividades que se irán anunciando oportunamente. A entrada é libre e gratuíta.


01/12/2014 4ª sesión do II CICLO DOCUMENTAL ADEGA: INVASIÓNS BIOLÓXICAS. A VESPA VELUTINA

A 4ª sesión do ciclo do II CICLO DOCUMENTAL terá lugar este martes, 2 de decembro, ás 20:00 h. no Refectorio do MPLugo. Entrada libre e gratuíta. ADEGA promove este ciclo por segundo ano consecutivo dentro da campaña "Ponte no medio. Móvete polo Territorio". Trátase dun cine-fórum no que expoñen traballos audiovisuais galegos que dificilmente poden ser vistos nas canles habituais e que teñen que ver co noso patrimonio natural ou cultural.


19/11/2014 O Voo das bolboretas, acción en contra da violencia de xénero

No marco do Proxecto “Culturas en Diálogo” levado a cabo pola Rede Museística da Deputación de Lugo, este venres, 21 de novembro de 2014, ás 12:00 h., terá lugar un evento interactivo entre Arxentina e Lugo. Neste encontro, mulleres, nenas e nenos de Coronel Suárez (provincia de Bos Aires), e outras vilas veciñas, que están preparando a acción “O Voo das bolboretas” van interactuar online coa comunidade da Rede Museística de Lugo, para intercambiar experiencias no desenvolvemento desta acción contra a violencia de xénero. Participará xente que estivo construíndo bolboretas en Arxentina e en Lugo, e se reflexionará sobre a capacidade da arte para incidir na sociedade e na fortaleza e o ánimo das vítimas de violencia para saír do maltrato.


  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 »

Línea horizontal
Subscricións |  Web optimizada 1024x768