Dentro do programa de Actividades de Verán organizado pola Rede Museística da Deputación de Lugo, desde mañá, martes, 29 de agoto e ata o venres, 31, vaise desenvolver no Museo Etnográfico de San Paio de Narla (Friol, Lugo) un obradoiro consistente na realización dunha escavación arqueolóxica na que van participar 29 rapaces e rapaces de entre 4 e 12 anos, en tres xornadas de mañá, de 11 a 14 horas.
O obradoiro baixo a dirección técnica do arqueólogo do MPLugo, Enrique Alcorta, e a coordinación da xerente da Rede, Encarna Lago, pretende sensibilizar aos máis novos sobre a importancia do coñecemento e conservación do noso pasado.
Con esta actividade e coa que se vén desenvolvendo no MPLugo baixo o nome “Deseño e moda” rematan as actividades programadas para os máis pequenos durante o verán e que se viñeron desenvolvendo nos catro museos xestionados pola Rede Museística coa participación de case douscentos mozos e mozas.
O vindeiro luns, 3 de setembro, acto do que informaremos con máis detalle proximamente, celebraremos o remate desta xeira cunha festa e a presentación dunha asociación infantil de amigos dos museos da Rede Museítica.

< voltar