Antón Bao, vicepresidente da Deputación de Lugo, e Aurelia Balseiro, directora do Museo Provincial de Lugo, presentaron hoxe a incorporación á exposición permanente do MPL dunha obra da autoría de Ramón Conde que leva por título "Tormenta de verán". Tralo ingreso desta obra, que pasa a expoñerse na sala 24, o MPL acrecenta cualitativamente os seus fondos de arte galega actual, así como a representación deste recoñecido escultor galego que desde 1979 só tiña en exposición, na Sección de Arte Galega, unha peza de pequeno formato denominada “A Revolta”. No acto participou tamén o escultor. >>+ INFO

Sala de Exposicións do Pazo de San Marcos (sede da Deputación de Lugo). (Do 1 ao 26 de setembro de 2010). Inauguración: 1 de setembro, ás 20 horas. >>+ INFO

Como resultado dos diferentes obradoiros que se desenvolveron este verán 2010 nos museos da Rede Museística, os rapaces participantes elaboraron a modo de memoria diferentes contidos para web que podemos visualizar a través de internet. Neste caso, o traballo amósase o traballo desenvolto nos obradoiros "Eu son unha peza do Museo de San Paio de Narla", "Trato e retrato", "Expres-arte", "Xogos romanos" e "Cestería". >>Mire aquí

Horarios de visita e folletos-guía informativos sobre os contidos do Museo Provincial de Lugo en Castellano, Galego, Catalá, Euskera, English, Français, Italiano, Deusch, Portugués nos seguintes enlaces:

A Rede Museística da Deputación de Lugo organizou este verán no Pazo de Tor un obradoiro denominado "Domingo Fontán: Cartas xeográficas" dirixido a nenos/as de entre os 4 e os 15 anos. Aproveitando a existencia dunha copia do coñecido "Mapa de Fontán" no propio pazo, pretendeuse iniciar aos mozos nos procesos de investigación,conservación e exposición, neste caso traballando cun cento de documentos inéditos cedidos pola Fundación Domingo Fontán. Os alumnos participantes neste obradoiro crearon unha web que permite ver o meritorio traballo realizado arredor da figura do meirande xeoógrafo galego >>neste enlace á web

Antón Bao, vicepresidente da Deputación, Aurelia Balseiro, directora do MPL, Peter Schneider, fotógrafo e Enrique Alcorta, arqueólogo do MPL, presentaron as dúas mostras expositivas que o Museo Provincial dedica a celebrar o 10º aniversario da declaración da Muralla Romana de Lugo por parte da UNESCO como Patrimonio da Humanidade. A apertura ao público terá lugar o vindeiro luns, 19 de xullo de 2010, ás 20:00 horas e permanecerá aberta ata o 30 de setembro.

O xoves, 15 de xullo, tivo lugar na Casa Museo de Rosalía de Castro, en Padrón, no marco dos actos conmemorativos do 125 aniversario do pasamento da poetisa, a entrega do PREMIO ROSALÍA DE CASTRO PARA EXPERIENCIAS PEDAGÓXICAS que recaeu esta vez no unidade didáctica do proxecto pedagóxico 'Follas novas, Novas follas' desenvolto por tres dos museos da Rede Museística da Deputación de Lugo (Museo Provincial do Mar, Museo Etnográfico de San Paio de Narla e Pazo de Tor).+ info >>

Ata o 30 de outubro de 2010 está aberto o prazo para a presentación de traballos para a VIII edición do Premio de Investigación Manuel Vázquez Seijas, convocado con carácter bianual pola Vicepresidencia Primeira da Deputación de Lugo. Pode concorrer alumnado, individualmente ou en equipo, das universidades galegas con traballos referidos á historia, arte, arqueoloxía, antropoloxía ou museoloxía, sobre a provincia de Lugo, ou, nomeadamente, sobre os museos da Rede Museística Provincial. + info >>