A vicepresidencia primeira, a área de Cultura e Turismo e a Rede Museística da Deputación de Lugo, co obxectivo de fomentar a participación, os valores da convivencia e a expresión artística convocan o «I Concurso Olladas 2015 para escolares: A miña familia, antes e agora», para que o alumnado que cursa Educación Infantil, Educación Primaria e Educación Secundaria Obrigatoria nos diferentes centros de ensino existentes na provincia de Lugo, elabore un traballo dixital que servirá de deseño para difundir as actividades do Día Internacional dos Museos 2015 nos catro museos da Rede Museística da Deputación de Lugo.
