Como resultado dos diferentes obradoiros que se desenvolveron este verán 2010 nos museos da Rede Museística, os rapaces participantes elaboraron a modo de memoria diferentes contidos para web que podemos visualizar a través de internet. Neste caso, o traballo amósase o traballo desenvolto nos obradoiros "Eu son unha peza do Museo de San Paio de Narla", "Trato e retrato", "Expres-arte", "Xogos romanos" e "Cestería". >>Mire aquí

Durante os días 23, 24 e 25 de agosto vanse desenvolver no Museo-Fortaleza de San Paio de Narla, en Friol, e no Pazo de Tor, Monforte de Lemos, unha actividade para rapaces de entre 8 e 12 anos denominada "Xogos romanos de taboleiro" . O obradoiro, a cargo de monitores da Asociación Cultural “Caetra Lucensium MMX” pretende, entre outros obxectivos, estimular a curiosidade polo patrimonio histórico e cultural e promover de modo lúdico competencias ligadas ás áreas das matemáticas e da historia.

Desde hoxe, 23 de agosto,e ata o vindeiro xoves, 26 de agosto, vaise desenvolver no Museo-Fortaleza San Paio de Narla, en Friol, un campamento dirixido a nenos e nenas entre os 4 e os15 anos. Ten como obxectivos aprender a coñecer ,aprender a ser, aprender a vivir xuntos, aprender a facer, e o fomento de valores como o respecto pola diferencia, a responsabilidade para o coidado dos mais pequenos, o mantemento do material, a cooperación e as dinámicas de grupo... .+ información>>

Os museos integrados na Rede Museística da Deputación de Lugo tentan ano a ano satisfacer a demanda de todas aquelas persoas, especialmente dos máis pequenos, que queren aproveitar o período vacacional para acrecentar os seus coñecementos e experiencias tendo como referentes a arte, a historia e a cultura. O prazo de matrícula comeza o venres, 25 de xuño, a partir das 11 h. e queda aberto ata cubrir as prazas previstas para cada obradoiro por rigorosa orde de inscrición.+ Consulte o programa completo>>

Como colofón ás actividades arredor do Día Internacional dos Museos 2010 o Museo Etnográfico de San Paio de Narla, Friol, programa a represenatción da obra "As damas do Narla" a cargo do grupo de tetaro escolar do colexio Doutor López Suárez. As represenatcións faranse o mércores, 19 de maio, e o xoves, 20 de maio, ás 12:00 horas. Máis información no teléfono 982 375 156.

Durante estes días conmemóranse a Noite dos Museos, sábado 15, o Día das Letras Galegas, luns 17 e o Día Internacional dos Museos, o martes 18 de maio.Os 4 museos da Rede Museístcia da Deputación de Lugo (Museo Provincial de Lugo, Museo Etnográfico de San Paio de Narla, Museo Provincial do Mar e Pazo de Tor) programa para estas datas unha serie de actos que teñen como obxectivo prioritario a intercomunicación cos seus visitantes: exposicións, teatro, obradoiros, visitas guiadas, concertos (Ugia Pedreira, Fred Martins, Emilio Cao), conferencias, agasallos... + Consulte o programa completo dos catro museos>>

Desde o 4 ata o 15 de marzo os museos da Rede Museística da Deputación de Lugo súmanse ás conmemoracións arredor do Día da Muller, 8 de marzo, e do Ano Internacional do Achegamento entre Culturas, promovido pola UNESCO, con diversos actos e actividades, consonte ao programa que se adxunta