Os días 6 e 7 de abril exponse na Casa de Cultura de Sarria esta excelente mostra de bonecos elaborados por dona Elena Pardo Reguera, colección propiedade da Rede Museística Provincial, dependente da área de Cultura e Turismo da Deputación de Lugo. Promove: Centro de Referencia de Antigüidades e Restauración, Sarria (Lugo), con motivo de celebrarse nesta localidade a II Feira de Antigüidades e Restauración da Eurorrexión. Montaxe: Departamento de Etnografía e Artes Decorativas do MPLugo. Horario de visitas: de 11:00 a 14:00 e de 16:00 a 20:00 horas. Entrada gratuíta.

Desde o día 9 de marzo e ata o 28 de abril de 2013, con horario de visitas limitado aos domingos de 10:30 a 13:30 h., unha parte das fotografías do Arquivo Walter Ebeling vanse expoñer na Casa Escola de Zolle, concello de Guntín (Lugo). Esta mostra, promovida pola área de Cultura e Turismo da Deputación de Lugo e pola Rede Museística Provincial, en colaboración coas CMVMC (Comunidades de Montes Veciñais en Man Común) pretende achegar atodos os curiosos e interesados na memoria do noso patrimonio etnográfico uns valiosísimos documentos gráficos, únicos, nos que se reflicte a vida dos nosos inmediatos devanceiros entre os anos 1928 e 1933.

Documentos con memoria é unha mostra bibliográfica, fotográfica e documental sobre o convento de San Francisco de Lugo (hoxe sede do Museo Provincial) para conmemorar o 80º aniversario da declaración como BIC deste edificio. Agora, despois de percorrer os catro museos integrados na Rede Museística da Deputación, continúa a súa itinerancia no Centro Socio-Cultural de Bóveda, onde poderá visitarse desde o 1 ao 29 de febreiro de 2012. + info>>

Casa da Cultura de Lourenzá. (Desde o 1 ao 29 de febreiro de 2012). Exposición producida polo MPLugo "A Muralla no Museo / The wall-A Muralla (Peter Schneider)". + info>>

Sala de Exposicións do Centro Comarcal da Mariña Occidental, Viveiro(Do 5 de novembro ao 11 de xaneiro de 2011). + info >>

O deputado delegado da Área de Cultura da Deputación de Lugo, Antonio Veiga, a directora do MPL, Aurelia Balseiro, e a concelleira de Asuntos Sociais do concello de Foz, Rosa Alonso, inauguraron na Sala de Exposicións do Centro de Interpretación da Mariña (CENIMA) as dúas mostras expositivas que o Museo Provincial dedica a celebrar o 10º aniversario da declaración da Muralla Romana de Lugo por parte da UNESCO como Patrimonio da Humanidade. Estas mostras comezaron así o seu percorrrido conxunto pola provincia de Lugo o xoves, 5 de novembro, ás 18:30 horas, onde vai permanecer aberta ao públioc ata o martes, 30 de novembro. O venres, 5 de novembro, ás 19:00 horas, o arqueólogo do MPL, Enrique Alcorta, impartirá unha conferencia baixo o título "Muralla romana de Lugo e patrimonio". + info>>

Casa de Cultura de Chantada (Do 6 ao 29 de xullo de 2010) Esta exposición, organizada polo Museo Provincial de Lugo e comisariada por Ignacio López, reúne 26 gravados realizados con distintas técnicas por outros tantos artistas plásticos lucenses. Con este proxecto, á parte de crear un imperecedoiro obxecto artístico conmemorativo da efeméride do Museo, quíxose tamén poñer ao dispor do público un testemuño histórico- cultural de actualidade e de incalculable valor e riqueza.